Geguritan "Dalan Bali" Anggitane Achmad Sultoni, S.Pd.

Dalan Bali

Anggitane: Achmad Sultoni, S.Pd.

Tek tidhokna dalane bali

Aja wedi najane siki

Tetep jejeg nang pandonga

Muga Gusti paring kersa

Tek kandani dalane bali

Enyong kowe kudu wani

Embuh mengko embuh ngesuk

Tetep emut sedurunge esuk

Enyong dhewek pancen ora wani

Nantang Gusti

Kon kudu nyabut nyawa siki

Merga tesih pengin akeh ngimpi

Sing durung tek disrempengi

kaya dene ngimpine natani ati

ben tetep nastiti ngati-ati

ningen pancen angel ndadani

ning angel maning nek ora didandani

sewektu Isroil ngetuk ati

sewektu kreta jawa dog-dog ngampiri

temenan ora kena disemayani

sebabe bali pestine Gusti

Yogyakarta, 2015

Achmad Sultoni, Lair nang Cilacap 31 Agustus 1991; Mahasiswa Pascasarjana UNS Surakarta Program Studi Pendidikan Bahasa Indonesia. Seneng nulis cerkak, lan gurit Banyumasan. Ketua nang Forum Sastra Banyumasan lan aktip nang Komunitas Penyair Institute (KPI) Purwokerto. Karya-karyane kadang mampir nang media massa, umpamane: Suara Merdeka, Radar Banyumas, Satelite Post, Majalah Frasa, Minggu Pagi, Majalah Kita, Metro Riau, Buletin Imla, Majalah Ancas. Karya-karyane rupa puisi, esai lan cerpen dibukukna nang kumpulan bareng-bareng antarane “Rindu Mahabah” (Alif Publishing), “Indonesia dalam Titik 13” (kumpulan puisi Temu Penyair VI Lintas Derah), Historiografi (Era Baru Presindo, 2013), Perempuan dan Bunga-bunga (Kumpulan Cerpen Terbaik Lomba Cerpen Tingkat Nasional, STAIN Press 2014), Pancasila, Budaya Virtual, dan Globalisasi (Antologi Esai Lomba Tingkat Mahasiswa Se-indonesia, STAIN Press 2014). Juara II Lomba Esai Kreatif BKKBN Jawa Tengah 2013. Berdomisili di desa Welahan RT 01 RW 01, Adipala, Cilacap.