Anggitanipun: Waryatun
Nalika dina burik kalian sumo
Jangkrik-jangkrik ngumbar nyayi
Aku mung bisa ngelus dada
Ngrasakna semreseting ati iki
Kelingan anak lanangku
Bali Ngger, balia
Nek pancen kowe ora bisa
Mbokmu iki uwis nggatekake
Ngger, endi janjimu
Nek mbiyen arep ngulinakna urip
Uripmu ya urip mbokmu iki
Balia Ngger,
Nek kaya ngene dadine gatekna Ngger
Mbokmu iki sansaya dina sansaya kelu
Pawon senen kemis gole murub
Urip iki sansaya dina sansaya angel
Sapa sing gawe?
Sliramu Ngger, sliramu anakku
Balia Ngger,
Iku dudu panggonanmu
Korsi iku dudu anggonmu
Bali, aja sesumbar maning
Yen kowe bisa lan kudu dilanjutna
Bali,
Mbokmu iki wis ora kuwat
Sawah kae garapen, ora usah isin
Ngger, sliramu kudu ngerteni
Luwih mulya wong tani
Menehi pari nggo pangan wong cilik
Wong-wong cilik kaya mbokmu iki
Bali Ngger,
Neng kene ana sing lewih mulya
Nadyan pancen kudu rekasa
No comments:
Post a Comment